Tá áthas ar an Schools’ Business Partnership a fhógairt inniu go bhfuil críoch curtha ag Institiúid Teicneolaíochta Leitir Ceanainn leis an bhliain rathúil tosaigh sa chlár Skills @ Work le haghaidh na mic léinn i bPobalscoil Charn Domhnach. Thug an tionscnamh léargas grinn ar an saol gnó do mhic léinn shinsearacha ó Phobalscoil Charn Domhnach agus is cuid é den chlár Schools’ Business Partnership a ritheann Business in the Community Ireland (BITCI).

Le linn an chláir bhliana, thug baill foirne ó Institiúid Teicneolaíochta Leitir Ceanainn sraith cainteanna faoi ‘Lá i Saol…’ agus faoi chúlra na heagraíochta; ritheadar ceardlanna um CV cuimsitheach a chur le chéile agus dea-scileanna agallaimh a fhorbairt. Tugadh na mic léinn ar cuairt chuig Institiúid Teicneolaíochta Leitir Ceanainn agus chonaiceadar na deiseanna gairme atá ar fáil sna hearnála oideachais, TC, gnó, altranais, dlí agus airgeadais; ag Colab fuaireadar léargas ar an aonad cothaithe fiontair agus a fheidhmiú ar chomhlachtaí ceannródaíocha teicneolaíochta.

Dúirt John Andy Bonar, Ceann Forbartha, Institiúid Teicneolaíochta Leitir Ceanainn: “Tá áthas ar Institiúid Teicneolaíochta Leitir Ceanainn leanúint i gcomhpháirtíocht le Pobalscoil Charn Domhnach. Thug na baill foirne againn ardtiomantas don chlár le linn na bliana seo. Is taithí luachmhar dóibh é tógáil foirne agus scileanna idirphearsanta agus cumarsáide a fhorbairt chomh maith le mórtas, luach agus sásamh oibre a bhraith.” Dúirt Brendan Boyle, Comhordaitheoir LCVP Coordinator, Pobalscoil Charn Domhnach: “Is léir tionchar an tionscnaimh seo ar na mic léinn ón chéad lá, músclaíonn sé suim na mac léinn agus spreagann sé iad chun dianoibre ar a gcuid staidéar. Comhpháirtíocht luachmhar é don scoil le linn na bliana seo.”

Dúirt Elaine McFadden, Comhordaitheoir Réigiúin – Dún na nGall., BITCI: “Aithníonn BITCI an tacaíocht leanúnach a thugann Institiúid Teicneolaíochta Leitir Ceanainn don chlár, don scoil agus don phobal i gCarn Domhnach, Inis Eoin. Tá críoch rathúil curtha anois ar an bhliain tosaigh comhpháirtíochta idir Institiúid Teicneolaíochta Leitir Ceanainn agus Pobalscoil Charn Domhnach; is sampla é den tiomantas acu scileanna agus smaointe na mac léinn a thacú agus a chur chun cinn, chun cuidiú leo ullmhú don saol gairme a mbainfidh siad taitneamh agus tairbhe as. Téann an tiomantas agus an t-idirghabháil seo chun sochair na scoile agus bíonn tionchar leathan aige ar an phobal áitiúil. Is léiriú iontach é ar fhreagracht chorporáideach eagraíochta.”

Maoiníonn na gnólachtaí rannpháirteacha an Schools’ Business Partnership le comhaoiniú ón ROS faoin Phlean Forbartha Náisiúnta (PFN).